छत्तीसगढ़ी

छकड़ी हमरी

मंदरस मिंझरे मीठ हवे हमर भाखा छत्तीसगढ़ी ।
सिरतोन कहत हंव नोहय हांसी मजाक दिल्लगी ।।
कोनो कहिस जिमीकांदा मही के जस अमसुरहा कढ़ी ।
जुच्छा साग के सेती महु मिझांर देव चिटिक बोरे बासी।
कोनो कथे बाप खेत -खार त महतारी हे गांव-गली ।
कथा कहानी गीत भजन चोहल  हवे आनी-बानी ।।
रंगे छत्तीसों रंग म गीता कुरान बाइबिल गुरुबानी  ।
इकरे भरोसा तीन परोसा चलथे इंहा के जिनगानी ।।
     डा. अनिल भतपहरी