भीम गीत
बनाये कानुन भारत के अनमोल रतन ..
डाक्टर भीमराव अम्बेडकर तोर पइय्या परन..
जनम लिए महु गाव, भीमा बाई के कोख मे
रहिस पिता रामजी सकपाल सुबेदार फोज मे
तेकरे सेती स्कुल पढे बर बढगे चरण ..
नान्हेपन म भोगे तय छुआछूत के पीरा।
बरनन करे म हो जाही हिदय के चीरा।
मुख ल निकले नही सिसकी न बोली बचन ...
हुशियार भीम ल मिलिस पढे बर वजिफा।
विदेश म जाके पाईस बैरिस्टरी शिछा।
कुलकत आइस भारत होके मगन...
पढलिख के बिदेश ल आये तय देश म
देख के रो डारे देश के भेस ल
एक तो देश रहय अन्गरेज के गुलाम
दलित के पुछइय्या नही गुलाम के गुलाम
बदला म लात मिले करे त परनाम
जीयत मनसे ल मुर्दा बनाये हाय रे हिन्दु धरम ...
नौकरी चाकरी छोड करे तय जनसेवा
सबकुछ गवाये बाबा हीरा कस गंगाधर बेटा
डिगे नही बिपत म तय, करे अपन करम ..
संविधान रचके बाबा ,देहस मुल मंत्र
शिछित बनो संगठित होओ करो संधर्ष
तोर सपना ल पुरा करबोन, लेवत हन परन ...
"अम्बेडकर जयंती परब के बिक्कट बधाई "
जय भीम जय भारत
💐🙏💐🙏💐🙏💐🙏💐
- डा अनिल भतपहरी
जयंती पर कृतज्ञ राष्ट्र का सादर अभिवादन ... जय भीम
उक्त गीत को श्रवण करने निम्न लिंक को टच करे -
https://m.facebook.com/story.php?story_fbid=1543259745829200&id=100004355672502
No comments:
Post a Comment