हरेली तिहार के गाड़ा गोना बधाई ...
।। हरेली ।।
आइस मनभावन तिहार हरेली
गेड़ी खपा के गाड़त हन रहचुली
घरो-घर चुरत हे चीला चढे कराही
जाके खरिखा लोंदी गरवा ल खवाही
असीस देय पवनी मन घरो घर आही
नागर अउ औजार मन के पूजा होही
सम्मत रहय उन्ना दुन्ना होय घन दोगानी
जुरमिल हसी -खुशी रहय जम्मो परानी
दु:ख- पीरा हरे के मंत्र सियान लहुटाही
नवसिखहा मन ल पाठ-पीढ़ा देय जाही
कब्बडी बिल्लस भौंरा बाटी मं मजाआही
करमा ददरियां पंथी बार रिलो तको होही
आइस मन भावन होथय तिहार हरेली
बिधुन झुम्मर गावै-नाचै अनिल भतपहरी
जय जय छत्तीसगढ़
-डा. अनिल भतपहरी
No comments:
Post a Comment