भीम गीत

भीम गीत

बनाये कानुन भारत के अनमोल रतन ..
डाक्टर भीमराव अम्बेडकर तोर  पइय्या परन..

जनम लिए महुं गाँव , भीमा बाई के कोख  मे
रहिस पिता रामजी सकपाल  सुबेदार फौज मे
तेकरे सेती स्कूल पढे बर बढगे चरन ..

नान्हेपन म भोगे तय छुआछूत के पीरा।
बरनन करे म हो जाही हिदय के चीरा।
मुख ल निकले नही सिसकी न बोली बचन ...

हुशियार भीम ल मिलिस पढे बर वजिफा
विदेश म  जाके पाईस बैरिस्टरी  शिक्षा
कुलकत आइस भारत होके मगन...

पढलिख के बिदेश ल आये तय देश म
देख के रो डारे देश के भेस ल
एक तो देश रहय अन्गरेज के गुलाम
दलित के पुछइय्या नही गुलाम के गुलाम
बदला म लात मिले करे त परनाम
जीयत मनसे ल मुर्दा बनाये हाय रे हिन्दु धरम ...

नौकरी चाकरी छोड करे तय जनसेवा
सबकुछ गवाये बाबा हीरा कस गंगाधर बेटा
डिगे नही  बिपत म तय, करे अपन करम ..

संविधान रचके बाबा ,देहस मुल मंत्र
शिछित बनो संगठित होओ  करो संधर्ष
तोर सपना ल पुरा करबोन, लेवत हन परन ...
  "अम्बेडकर जयंती परब के बिक्कट  बधाई "
जय भीम जय भारत
💐🙏💐🙏💐🙏💐🙏💐
- डा अनिल भतपहरी

उक्त गीत को श्रवण करने निम्न लिंक को‌ टच करे-
https://m.facebook.com/story.php?story_fbid=1543335149154993&id=10000435567250ं