१०-११ मार्च 2020 दो दिवसीय सहोदरा माता झांपी दर्शन मेला के अवसर पर -
।।माता सहोदरा पचरा ।।
तोर जस गावन सुघ्घर माता सहोदरा
पिता गुरु घासीदास अउ माता हे सफरा ...
दाई- ददा के दुलौरिन तहु सतधारी
दुनो कूल उबारे माता शक्ति हस नारी
दुमन आगर गावन तोरेच जस पचरा ...
ससुराल सुकली गांव बुघु देवान घर
बसाए कुट- कुट कुटेला गांव जबर
हांका परगे दसकोसी मनखे होगे अचरा ...
जुलुम रोके खातिर नारी जागरण चलाए
होरी जलाई बंद कराके मंगल भजन चलाए
अड़ताफ होवन लागे तोरेच चरचा ...
बोड़सरा बाड़ा सिरजे अठगवां सुख धाम
जिहां चले तोर हुकुम शोर उडे सतनाम
सोहदरा माता तोर महिमा हे अपरा ...
भागमानी सहोदरा दाई तोरेच महिमा अपार
राखे संजो के गुरुबबा के खड़ाऊ कंठी हार
काचा कलस माटी के दीया मं करे ऊंजियरा...
-डा. अनिल भतपहरी/ 9617777514
No comments:
Post a Comment