गुरुघासीदास के सुपुत्र एंव सतनाम सेना के संस्थापक राजा गुरुबालकदास के शहादत दिवस( २८ मार्च १८६० )पर विनम्र काव्यांजलि......सत सत नमन
"राजा गुरु बालकदास"
धन्य गुरु बालक दास
गुरुवंश म जनम धर आये तय...
बन के बधवा बेटा बबा के
सपना ल संवारे तय ......
बनके सतनामी राजा
गुरु राजपाठ ल चलाये तय...
रावटी लगा के दुनिया म
सतनाम पंथ ल चलाये तय....
गाव गाव अठगवा बनाके
सतनाम अखाडा ल चलाये तय
भंडार धाम म अचरुज
मोती महल सिरजाये तय...
चाद सुरुज जोडा खाम गडाये
सतनाम- सेना साजे तय ....
दुख पीरा हरके मनखे मन के
मान ल बढाये तय ....
सतनाम के सेती बबा
अपन जान ल गवाये तय...
जुग जुग नाम अम्मर होगे
बीर बलिदानी कहाये तय...
डा.अनिल भतपहरी
९६१७७७७५१४
( गाव जुनवानी ,भंडार-तेलासी)
सी-११ ऊंजियार- सदन ,सेन्ट
जोसेफ टाउन, अमलीडीह रायपुर।
No comments:
Post a Comment