नवरात्रि म मातृका वंदना
ये माटी मोर दाई तोला बंदव बारंबार
ये धरती महारानी तोला बंदव बारंबार
तोर महिमा हवय अपरंपार ओ...
डीह डोंगर जंगल झाडी
अउ नंदिया म निरमल पानी
देबी-देवता संत गुरु -ज्ञानी
कत्कोन लेइन अवतार ओ ...
तोर कोरा म उपजेन बाढ़ेन
अउ पायेन मया दुलार
रतन पदारथ गरभ म भरे हे
उपजाथस अन्न हजार ...
तोर अंगना -डेहरी म हरहिंछा
खेलन अउ सुख पावन
तोर परतापे अम्मट बिच्छल
जिनगी के डोंगा नाहकय पार ...
- डाॅ. अनिल भतपहरी / 9617777514
No comments:
Post a Comment