तन तिजौरी म ( दो भजन )

[5/24, 09:25] Anilbhatpahari: तन के तिजौरी म रतन भरे हे सब मनखे गुन के खान 

बनना निगड़ना अपन हाथ म  सब  संगत के पहिचान 

खेलत खात रात दिन जिनगी ह पहावय ।

छप्पन भोग करथे तभो ल ये मन नइ अघावय ।/

 मन भंवरा मतवार किंदरय ,कर रुप मदिरा पान ...

मया पीरित बर बिहाव लगिन कराये गौना 

ये जग ब इरी जहर महुरा लागे मीत मतौना 

अब तो अधियागे खिरत हे, सबो आन -बान

जग अंधियार सुझै न कछु ,अब तो का करन गा 

तन डोलत हे मन हे भारी अब तो  गुरु शरन जा 

एक साहारा हवय  संतो ,सुमर ले सतनाम ....

[5/24, 10:16] Anilbhatpahari: तन के तिजौरी म रतन भरे हे, दया मया सद्भाव 

बनना बिगड़ना अपन हाथ म सब संगत के प्रभाव 

जेन बोबे तेन लुबे संगी,खेत हो या हिरदय 

अलकर दु: ख का कहिबे संगी,

सहर पहर बन किंदरय 

मन म  तोर सइता नइये त कछुचों आव जाव ....

बीच गली म  डांग गड़ा के खेलत हे  डंगचघहा 

बीच भंवर म डोंगा फंसगे  तउरत हे डोंगहा

सद्गुरु हवे एक सहारा उही करहि नर न्याव ...