फूल म तितली बादर म बिजली

2.युगल गीत 

b.

तोर बिन कुलुप हे   जिनगी ,बगरा दे मया के अंजोर 

आजा रे मोहिनी देखे बिन, नयना तरसे मोर ...

g.

तोर बिन कुलुप हे जिनगी,बगरा दे मया के अंजोर 

आजा ग मोहना देखे बिन नयना तरसे मोर ...

b 

मया हे त जिनगी हे अउ जिनगी  म मया 

बिन मया के जिनगी होथे अबिरथा 

कइसे -कइसे लागय जियरा उठे मन म हिलोर ...

g 

का जोड़ी जोगी बनगे का साधु सन्यासी 

लगथे कोनो सउत परगे मोर होगे फांसी 

कोनो बइरी लिगरी लगा के संग छोड़ादिस मोर ...

2      बीज बौनी गीत 

g बादर गरजे चमके बिजली 

 bआगे असाढ़  बरसे  पानी 

 त ये गा किसान बोये चल धान 

  नांगर ल साज जांगर ल साज 

नांगर ल ...

g बतरकिरी उड़य बादर म धरय  लइका -पिचका 

bबादर के ताल म रे संगी गावय ददरिया मेचका 

त जिनगी संवार भाग सेहरा  चल नांगर ल साज जांगर ल साज....

b अइसन पानी बरसय जेमा छलकय डोली धनहा 

g रिमझिम बरसा के फूहार म भिंजय तन मन हा 

 b त खुमरी ल धर कमरा ल धर 

dono नांगर ल घर जांगर ल धर ...

b मूठ ले झटकून तय ह संगी ठाकुर देव म फोर नरियर 

g धरती के अंचरा हरियर होगे तोरो मन कर हरियर 

 त जिनगी संवार अपन भाग सेहरा  

dono चल नागर बइला साज अपन जांगर ल साज ...

3.युगल गीत 

b.मन मोहिनी दिल जोगनी ,आबे आबे रानी तरिया के पार 

आबे आबे रानी  नंदिया कछार 

देखत रइहूं मय नयना निहार- २

g.मनमिलौना दिल मोहना,क इसे आहू राजा तरिया के पार ..

ब इठे रहिथे भैय्या बनके रखवार मुहाटी म ब इठे रहिथे बनके रखवार ...

देखे बिन तोला ये मन तरसत रहिथे 

b बइंहा बरोबर सरीख मुं मह बफलत रहिथे 

चिटिक सुन ले तय मया के गोहार ...आबे आबे रानी नंदिया के पार ...

g घर ल थोरिक निकले त दाई- ददा खिसयाथे 

भउजी ताना मारत कहिथे नाक तय कटाबे 

चारों खुट लगे रहिथे मोर बर पहरेदार ...

b किरिया हवय तोला अपन रानी बनाहूं

बइरी जमाना संग  मय ह  टकराहूं

रोके रुकन नही ,चाहे  रोके संसार 

आबे आबे रानी नंदिया कछार ...

g आस जगाए आहू दउड़त तोर अंगना 

परछो पागेंव तोर मोर सांवर सजना 

अब तो ए जिनगी ह तोर बर निछार ...

आहू आहू राजा नंदिया कछार ...