#anilbhattcg
* जय हो गणराजा *
जय हो गणराजा भरे सभा म आजा
हर लव बिघन बाधा करव सुख काजा
जय जय जय हो गणपति गण राजा...
रीत नीत ये दुनियां दारी म चभके हवन
का करबे हमन निंदा चारी म बुड़े हवन
दुर्बुद्धि मति ल हरन करके ले जा ...
मंद माखुर के निशा पानी में बुडत हवय देस
अतलंग जवानी के सेती होवत हवय कलेस
भटकत मति ल चिटिक सद्बुद्धि दे जा...
करमइता बर काम नहीं,न गुणवंता के दाम
सिरावत हे सबों अंग, जम्मो बुता अउ काम
कोंदा बौउला बने बैठे हवे जम्मों जनता गा...
जात पात धरम करम बर सबों झन लड़ कट मरय
सत बिस्वास दया मया बर इकर जांगर नई चलय
बोट के राजनीति बढ़ावे ईरखा जात पात गा ...
अंधरा सरकार भैरा होगे हवय साहेब मन
चोरहा संग मितानी बदे बइठे हवय सबों झन
कोढीन बेवस्था बदले बर बरदान दे जा ...
डॉ अनिल भतपहरी / 9617777514
